Hri kai 7 hmuh leh an ni

Serchhip District-ah COVID-19 hri kai mi 7 zet hmuhchhuah leh an ni a, an vai hian State pawn atanga rawn haw vek an ni thung.

Serchhip CMO Office atanga thu kan dawn danin tunhnaia Bihar State Assembly inthlanpui-a duty Thenzawl PTS-a IR Police awm mek te chu Bihar a an duty zawh hnuah tunkar Nilaini khan Then-zawl hi rawn thlengin PTS-ah khunghran nghal an ni a, niminpiah khan Rapid Antigen Test hmangin an Sample enfiah a ni a, Sample 67 enfiah zinga mi 7 te chuan COVID-19 hri an kai tih hmuh-chhuah niin nizan hmasa khan Nursing School CCC-a enkawl tura rawn dah nghal an ni. Heng hri kai hmuhchhuah thar te hi mipa vek niin kum 30-56 inkar an ni a, an zingah hian taksa-a hri kai lanchhuahna nei an awmlo a ni.

Heti hian tun dinhmun ah Serchhip District-a COVID-19 hri kai hmuhchhuah chu mi 94 an ni ni ta a, an zinga mi 87 te chu enkawl dam ni tawhin tunah hian hri kai enkawllai mi 7 an la awm mek a ni. Tun dinhmun ah Serchhip District-ah hri leng avanga mahni In lama inkhung-hrang mi 30 an la awm mek a, sawrkar hmunhma a inkhunghrang mi 69 an la awm bawk a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn