Mizoram-ah lirthei rawn lut

Zonuna Kawlni /

Mizoram-a lut tur bungraw phur Motor, Silchar Mizoram House-a Mizo lirthei tangkhangte chu nimin khan Mizoramah hruailuh an ni ta.

Assam in Mizoram luhka kawngpui an dan avanga Silchar, Mizoram House-a Mizoram lirthei tang-khangte hi Assam Police te venhimna hnuaiah nimin chhun dar 12:30 vel khan Mizoram-ah hruailuh an ni a, Silchar-a lirthei tangkhang nimin a Mizoram-a lo lutte hi Gas phur paruk, Oil phur 11 leh lirthei dang, a vaiin lirthei 23 an ni.

Vairengte atang thudawn danin, Assam Police venhimna hnuaia Mizoram lirthei Vairengte luhpui te hi Vairengte Auto Rickshaw Stand thlanga BSF duty-na hmun turah Vairengte khaw-tlangin lo hmuakin an lo lawm a, heng motor enkawltu te hi Vairengte dai-a COVID-19 Screening Point-ah RAT Test neihsak nghal an ni bawk.

Silchar Mizoram House-a lirthei tang-khangte chu Mizoram-a hruai luh an nih lai hian hnamdang lirthei khalhluh tur te erawh dan an la ni thung a. Vairengte IOC Veng-a ZDU in Mizoram chhuahsan tur lirthei an dan te pawh nimin khan chhuah nghal an ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »