Latest News

Lalduhoma ban tura ngenna sawihona neih a ni

MNF MLA mi 12 ten Serchhip bialtu MLA, Lalduhoma MLA atanga ban tura Assembly Speaker hnena ngenna an thlen chungchangah nimin khan Speaker hovin Hearing neih a ni.

September 22, 2020-a MNF MLA ten Mizoram Legislative Assembly-a Zo Peoples Movement (ZPM) Legislature Party Leader, Lalduhoma chu Indian Constitution 10th Schedule Para 2 (2) a bawhchhiat avanga MLA a nihna atanga ban (disqualify) tura an ngenna kal zelah Lalduhoma hi ziaka insawifiah tura hriattir a nih hnuah nimin khan Speaker hovin MNF MLA leh Serchhip bialtu MLA, Lalduhoma te chuan hemi chungchang hmaichhan-a sawihona hi an nei a, sawihona neih zawh hnua thuthar thehdarhtute zawhna chhangin Lalduhoma chuan nimin-a hearing-ah hian amah hektute chuan Press Conference-a an lo sawi tawh chu an sawi deuh ber tih a sawi a. Amaherawh chu ZPM in an thlantlin a nih thu sawiin, ZPM-a a inhman avanga amah ban tura phut chu he Dan a bawhchhiat loh zia tilangtu nia a ngaih thu a sawi thung.

Assembly Speaker, Lalrinliana Sailo chuan MNF MLA ten Lalduhoma an hekna chungchang ah hian Dan anga thil kalpui a nih dawn thu sawiin, thutlukna siam mai theih a nilo tih a sawi a, Hearing-a an thil sawi te hi uluk taka zir a nih dawn thu pawh sawiin, Dang ang thlapa kal a tum a ni tih Mizo mipuite pawhin lo hriatpui se a duh thu a sawi bawk.

Comments

Popular News (Last 30 Days)