Gas phurtute lo hmuak

Mizoram sawrkar in Manipur-a eirawng-bawlna Gas phur tura a tirh Truck pathum te chuan nizan hmasa khan Aizawl rawn thlengin Supply Minister leh sawrkar mi pawimawh thenkhat ten an lo dawngsawng a ni.

Tunhnaiah ramri-a harsatna thleng avanga Mizoram in eirawng-bawlna Gas lakluh kawngah harsatna a tawh avanga Manipur-a eirawngbawlna Gas phur tura sawrkar in a tirh heng Truck te hi AMC Office Tual-ah lo dawnsawn niin Supply Minister, K. Lalrinliana chuan ramri buai avanga State thenawm atanga mamawh chawkluh kawngah hian hmun hrang hranga Mizo awm te tanrualna leh hmangaihna a lang chiang hle tih sawiin, tan-rualna leh inhmangaihna tichak zel tura Mizoram chhung leh Mizoram pawna Mizo mipui chengte chu ngenin, an chungah lawmthu a sawi.

Supply Minister chuan Sawrkar rua-hmannaa Manipur atanga Gas phur tura tirh a kal hmasa Aizawl lo thleng te chu an chhuanawm thu sawiin, thahnemngai taka Hnam tana feh-chhuak an nih thu a sawi a, eirawngbawlna Gas leh tuialhthei phur turin Sawrkar in motor tirh zel a tum thu leh Truck engemaw zat tir leh tura in-buatsaihna kalpui mek a nih thu a sawi bawk.

Tum tumah hian Gas Agency 3 - MIZO-FED Gas Agency, V. Neihkunga Gas Agency leh Police Gas Agency te chuan an motor tirin Sekmai Bottling Plant atangin eirawngbawlna Gas Trip khat theuh an rawn phurlut a. Tunah hian Oil phur Tanker 5 thang mekin nizan lam khan rawn thleng hman tura beisei a ni. Supply Department Director, Dr. Lalhriatzuali kaihhruai he hun hman ah hian Driver leh Handyman mi 6 te chu lawmthu sawina lehkha ziak leh Thang-chhuah Diar Minister chuan a hlan a. IOCL aiawhte leh Gas Agency pathum - MIZOFED Gas Agency, V. Neihkunga Gas Agency leh Police Gas Agency te pawh lawmthu sawina hlan an ni bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn