Latest News

Mizoram-ah hri kai hmuhchhuah belh zel an ni

Inrinni khan Mizoram-ah Sample 3866 enfiah niin hri kai 345 hmuh a ni a, Inrinni-a hri kai hmuhchhuah thar tarlan zingah hian a hma lama Lawngtlai District chhung Karlui-I a hri kai lo hmuhchhuah tawh mi 147 zet chu ziahluh thar an nih avangin hri kai hmuhchhuah hi a tam phah niin a lang.

Solid Waste Management Bye Law hman thuai rel

Serchhip District Sanitation Task Force chuan Mizoram Solid Waste Management Bye Law, 2018 chu a taka hman thuai an rel.

Nimin khan Serchhip DC Meeting Hall-ah Serchhip District Sanitation Task Force hi an Chairman Ser-chhip DC, Kumar Abhishek hova thukhawmin Mizoram Solid Waste Management Bye Law, 2018 hmanga bawhhlawh paihna man In tin atanga khawn tur te, vantlang hmun ti bawlh-hlawhtu te chunga hremna dan hrang hrangte Serchhip District-a hman tur te hi bithliah fel a ni tawh a, In tin atanga bawlhhlawh paih man hi danin a phal angin kumin January 21 khan ennawn a ni leh tawh bawk a. Heng Dan te hi a taka hman a nih theih nan Bawrhsap in Notification a chhuah chauh hmabak a ni tawh a ni.

He Meeting hian mipuite hnena heng dan inzirtirna hi hun reilote kalpui leh phawt ni se, Nodal Department (UD&PA) lamin engemaw tihfel ngai hlek an la neih te an tihfel hunah Notification hi tihchhuah ni se tiin a rel a, Serchhip khawpui chhung leh District chhunga khawpui dang pahnih Thenzawl leh N. Vanlaiphai-a he dan kalpui dan inang thei lo tur laite pawh uluk taka sawiho nghal a ni bawk.

Comments

Chhiar Hlawhte

Serchhip District-ah COVID-19 Vaccine pe leh dawn