BSF dahna chungchang sawrkar in sawifiah

Mizoram Sawrkar Home Department chuan tunhnaia BSF Company 3 lo thleng te chu ramri-a duty tura Sawrkar laipuiin Mizoram sawrkar kuta a rawn dah an ni tih an tarlang.

Mizo Students' Union (MSU) District Hqrs. Kolasib chuan Inrinni khan thuchhuah siamin Kolasib Deputy Commissioner thuchhuak anga Border Security Force (BSF) te Kolasib leh Bilkhawthlir Area a an dah tur tha an tih loh thu leh Assam - Mizoram Inter-State Border-a duty tura ruat leh dah an nih ang ngeia ramri a dah tura an phut thu an tarlang a ni.

Inrinni vek khan Mizoram sawrkar Home Department chuan thuchhuah siamin tunhnaia Assam sawrkar Official leh Assam lam mipui thenkhatin Mizoram chhunga Thlam an hal leh huan thlai an lo suasam chungchang leh COVID-19 Duty Post an lo tihchhiat bakah Vairengte dai-a intihbuaina avanga ramri-a Mizoram Police dahte Assam sawrkarin ‘Assam ramah Mizoram Sawrkarin encroachment an rawn ti’ tiin Mizoram Police te inhnukdawk turin namen lovin Mizoram leh Central Sawrkar an nawr tih tarlangin, Mizoram Police hnukkir tura an nawrna hmanrua atan Mizoram luhka zawng zawngah road blockade an siam tih an tarlang a.

Hemi avang hian ramri hrula boruak sosang zel tidai turin Central Sawrkar, Ministry of Home Affairs chuan Mizoram Sawrkar kutah BSF Company 3 an rawn dah tih tarlangin, heng BSF Company 3 te hian Mizoram an rawn thlen chiah hlawm thu leh amaherawhchu, ramri hrula an awmna tur Facilities peih a la nih loh avangin an awmna tur hi buaipui mek a ni tih an tarlang a. Vairengte-ah chuan Mizoram IR Police awmna thlang, Lailapur lamah dah tum niin BSF Company 3 ten COVID Screening leh a kaihhnawih an paltlang chhung leh an awmna tur buatsaih chhung hian Kolasib leh Bilkhawthlir-ah dah lailawk an ni tih an tarlang bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn