Mizoram-a thingtlang khuaa In zawng zawng 2022-2023 ah Tui Connection pek vek tum a ni

Mizoram-a thingtlang khua-a In zawng zawngte chu kum 2022-23 ralhma in Tui Connection pek vek hman tum a ni.

Jal Shakti Ministry-in kum chanve chhung a hmasawnna thlirletna hun a hman peng pakhat ah State leh UT te chu Video Conference hmangin he Mission hnuaia hmalakna leh ruahmanna an kalpui dan sawifiah tir niin he huna tarlan a nih danin Mizoram chuan kum 2022-23 ralhmain thingtlang khaw In zawng zawngah tap hmanga Tui Connection pek vek hman a tum a. Mizoram-ah hian thingtlang khua ah In nuai 1.27 awmin, chung zinga In nuai 1.02 te chuan Tap Connection an nei lo a ni. Kum 2020-21 chhung hian Mizoram chuan chhungkaw 31,963 hnenah Tap hmang Tui Connection pek hman a tum a, tuna kum chanve thlirletna neih atang hian Tui Connection pakhat mah pek anihlohna thingtlang khuaa Piped Water Supply (PWS)Scheme awm mek chu zirchian a ngai tih sawilan a ni a. Mizoram chu Aspirational District, SC/ST tamna khua leh Sansad Adarsh Gram Yojna (SAGY) hnuaia khua te tuamchhuah vek chu ngai pawimawh a insawrbing tura chah a ni bawk.

Sawrkar Laipui chuan thingtlang In zawng zawng a Tui supply pek a tum tihhlawhtlinna atan hian State Sawrkar chu tanpuina a pumhlum a pek a inhuam a. Kum 2020-21 chhung hian Sawrkar Laipui chuan Mizoram hnenah hian Jal Jeevan Mission hnuaiah cheng vbc. 79.30 ruahman sakin a pe tawh a. Mizoram State chu a hmalakna chak zawk a kalpui tura nawr anih bakah Central Grants a chan mai lohna atana Fund dahte lachhuak thei turin Fund awm tawhsa te hmang thuai tura tih a ni bawk.

Hei bakah hian 15th Finance Commission Grants atanga PRI-te sum hmuh tur 50% chu tui leh sanitation kaihhnawih a hman tur a ruahman a ni a. Kum 2020-21 hian Mizoram chu FC Grants atan cheng vbc. 93 ruahman sak a ni a. State-te pawh programme hrang hrangte - MGNREGS, JJM, SBM (G), CSR Fund, Local Area Development Fund leh a dangte chu chhunfin a, a remchan anga kalkawp tir tura rawnin, heng a sum awm te hi a tul ang a hmang tangkai a, khaw Level-a Fund awmte dik taka hman anih theihna atan hma la turin a ti a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn