Latest News

Serchhip District-ah COVID-19 Vaccine pe leh dawn

Tunkar lo awm tur, June 14-18, 2021 chhung hian kum 18 leh 44 inkar tan Serchhip Main Centre, CMO Office Building-ah COVID-19 vaccine lak leh theih a ni dawn a, a hmaa kalphung ang bawkin Vaccine la tur hian Self Registration tih a, Vaccine lakna tura inziahluh hmasak leh tur a ni ang. In register hun hi vaccine lak dawn ni hma zan dar 9:00-ah zel hawn thin a ni ang.  Inziahluhna tur : http://selfregistration.cowin.gov.in

MJA hruaitu puanna nei

MJA General Hqrs. hruaitu dinglai term chu term khat (kum hnih) atan pawhsei niin nimin khan District hrang hranga hruaitu puanchhuahna inkhawm neih a ni.

Mizoram Journalist Association (MJA) hi kumin April thla khan General Conference neiin General Hqrs. hruaitu thlanna neih tur a ni a, amaherawh chu hri leng avanga neih theih a nih tak loh avangin MJA General Hqrs. chuan District hrang hrang ngaihdan a lak hnuah hruaitu dinglai term chu term khat dang atan an pawtsei a, hemi puanchhuahna hun hi nimin khan Aizawl leh District khawpui hrang hrangah neih a ni ta a ni.

MJA General Hqrs. ah hian Zonunsanga Khiangte chu President niin Lalremsiama chu Vice President a ni a, C. Lalhmachhuana chu Treasurer niin heng mite hian kum 2022 thleng MJA kaihhruai hna an thawk chhunzawm dawn a ni.

Comments

Chhiar Hlawhte