MZP in CM hnenah ramri buaina an thlen

MZP General Hqrs. hruaitute chuan Inrinni khan Chief Minister, Zoramthanga chu a Pisa-ah hmuin ramri-a buaina thleng mek kaihhnawih an sawipui.

Inrinni-a Chief Minister an kawmna ah hian MZP hruaitute chuan ramri buaina kal zel avanga Bairabi Zophai-a loneitute Assam sawrkar thuneituten an buh leh thlai thar te Mizoram lama pe lo tura an vau avang leh Saihapui ‘V’ khuaa loneituten an buh leh thlai thar an enkawl zui theih loh avangin a rang lama hmala turin an ngen a, Chief Minister chuan buh leh bal-a intodelh chu kan ram mamawh a nih thu sawiin, sawrkar pawhin a ngaih pawimawh thu leh Assam miten an hrek beh ngawt theih a nilo tih a sawi a tul angin sawrkarin hma a la nghal dawn tih a sawi bawk.

MZP ten Saihapui ‘V’ ram chhunga IR duty te chu ram hauh nan leh mipuite thlamuantu a tan dahnghet ngei tura an ngenna pawh Chief Minister chuan, tuna ramri buai avanga IR chhawp mek te chu an awmna ngaiah dah ngheh vek tuma hmalak mek a nih thu a sawi a. Saihapui ‘V’ panna kawng chhelai pawh thuamthat anih tur thu leh Serkhan to Bagha road pawh a tul anga thuamthat anih ngei tur thu a sawi bawk. Chief Minister chuan “Assam dawr lo a awm theih dan Mizoram sawrkar chuan a buaipui mek a. Kan thenawm State te kan kaltlang tan tawh a, kan thenawm ram Myanmar leh Bangladesh nen a indawrna pawh kalpui mek a ni,” a ti a. “Assam Sawrkar hi a tul phawt chuan Mizoram Sawrkar hian a be lo thei,” a ti bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn