Tualchhung-a hri kai chhawng enkawl dam kim

October 19, 2020-a Serchhip tualchhunga COVID-19 hri kai mi pahnih hmuhchhuah leh an lo kawm hnaih chhuina a hri kai mi 17 hmuhchhuah te chu an vaiin enkawl dam vek an ni ta.

October 19, 2020-a Serchhip-a tualchhunga COVID-19 hri kai hmuhchhuah ten an lo kawm hnaih chhuina kal zela hri kai zinga enkawl dam hnuhnung ber, Serchhip Chanmari Veng-a mi 3 te chu nimin khan an Sample enfiahin hri laka an fihlim hnuah anmahni enkawlna hmun atang hian chhuahtir an ni ve leh ta a, heng hri kai enkawl dam te hi mipa 2 leh hmeichhia pakhat niin chhungkaw pakhat-a khawsa an ni a, mipa pahnih te hi naupang an ni thung a, October 24, 2020 khan hri an kai tih hmuhchhuah an ni.

Heti hian Oct. 19-a Serchhip-a COVID-19 hri kai mi 2 hmuhchhuah leh an kawm hnaih te chhuina kalzela hri kai hmuhchhuah mi 17 te chu enkawl dam vek an ni ta a, heng hri kai enkawl dam tak te hi Chanmari Veng-ah mi 13 leh Serchhip P&E Veng-ah mi 4 niin an zingah hian naupang 5 lai an tel bawk a ni.

Heti hian tun dinhmunah Serchhip District-a COVID-19 hri kai hmuhchhuah zawng zawng chu mi 87 niin tun thlengin mi 83 te chu enkawl dam an ni ta a, tunah hian hri kai enkawl-lai mi 4 an la awm mek a, Serchhip District-a hri kai hmuhchhuah atanga zaa 95.40 te chu enkawl dam an ni tawh a ni. Tun dinhmuna Ser-chhip District-a hri kai enkawl chu mi 6 an ni.