Congress Thalai ten Minister lakah FIR an thehlut

/

Congress Thalai, Mizoram Pradesh Youth Congress Committee (MPYCC) chuan nimin khan Minister, Lalruatkima lakah FIR an thehlut.

Superintendent of Police, CID (Crime)-a thubuai an thehluh ah hian Nov. 6, 2020-a Social Media (Facebook) Group pakhat-a thu post comment-na ah Facebook account pakhat, Rka Ruatkima inti, Mizoram sawrkar-a Minister, Lalruatkima account nia hriat chuan MNF leh India sorkar inremna, Memorandum of Settlement, Wikipedia-a tarlan, “The territory of Mizoram should be specified according to the North Eastern Areas (Reorganization) Act, 1971” tia inziak thin chu, “The territory of Mizoram should be specified according to the Bengal Eastern Frontier Regulation Act,1875” tia thlak danglam thlalak a post niin an tarlang a. Hetiang taka document pawimawh, India Constitution-ah pawh ziahlan thlap, Wikipedia-ah a thu thlaka diklo taka edit a ni leh Minister in mipui bum nan hman tuma a thehdarh chu Minister atana lakluh a nih dawna a thutiam bawhchhiatna, India Constitution zahlohna nia an hriat thu leh a tul anga hmalak sak tura an ngen thu te an tarlang a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »