Lailapur mi Vairengte-a thi ruang inhlan fel a ni

Pathianni kalta-a Vairengte Kawngthar Branch YMA duty ten ruihhlo tawlhru a puh an man leh niminpiah-a Vairengte CHC-a boralta, Intyaz Ali (48), Lailapur ruang chu nimin khan Vairengte leh Lailapur inkar Auto Rickshaw Transit Stand-ah inhlanchhawn a ni a, he thihna avang hian boruak duhawmlo a thlen thu hriat anilo.

Intyaz Ali ruang inhlanna ah hian Vairengte atangin 1st IR Dy. Commandant, VL. Nghena leh Vairengte SDPO, Ramtharnghaka bakah Vairengte Police Station OC te an kal a, Cachar District atangin Silchar District Addl. SP leh Intyaz Ali-a chhungte leh an thian thenkhat an tel a ni. 

Imtyaz Ali hi November ni 1 khan Vairengte Kawngthar Veng Branch YMA Kumpuan Duty te chuan Mautui Zau ramhnuai-ah a Heroin (No. 4) gram 420 nen manin Vairengte Excise & Narcotics Department te kutah an hlan a. ND&PS 1985 hmangin thubuai siamsak niin damlohna a neih avangin Vairengte Community Health Centre (CCC)-ah admit a nih hnuin a tuk Nov. 2 zing dar 10:30-ah a thi a, he thihna chungchang hi chhui mek a nih thu DGP, John Neihlaia chuan a sawi a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn