Hri kai 67 hmuh belh an ni

Niminpiah-a Mizoram-a Sample enfiah atangin COVID-19 hri kai mi 67 hmuhchhuah leh an ni a, an zingah hian Bihar a inthlanna a duty IR Police an awm nual.

Niminpiah khan ZMC Laboratory-ah Sample 460 enfiah niin COVID-19 hri kai mi 42 zet hmuh leh an ni a, heng zinga mi 32 te hi Staines Memorial School Hostel-a mi te niin Mizoram hmun hrang hrang atanga kal-khawm leh an Hostel-a khunghran lai an ni. Heng bak ZMC-a hri kai hmuhchhuah mi 10 te chu Aizawl khawpui Veng hrang hrang ami te niin Chhinga Veng-ah hri kai mi 4 hmuh an ni a, Tuikual South-ah hri kai 3 hmuh niin Falkland, Armed Veng leh Ramthar North-ah hri kai pakhat theuh hmuh an ni bawk a, an chhungte hri kai hmuhchhuah tawh atanga kaichhawng an ni.

Rapid Antigen Test-a Sample 646 enfiah ah hri kai mi 24 zet hmuh an ni a, Mamit District-a hri kai hmuhchhuah mi 8 leh Serchhip District-a hri kai hmuhchhuah mi 7 te chu tunhnaia Bihar State inthlanpui-a duty te niin inkhunghranna hmuna awmlai vek an ni a, Mission Veng leh Republic Veng-ah Bihar inthlanna a Duty haw hri kai pakhat ve ve hmuh a ni bawk. Heng bakah hian Saitual District-ah hri kai pakhat hmuh niin State pawn atanga rawn lut a ni a, West Phaileng mi 2 leh Tlangnuam Veng mi pakhat te Lengpui-ah hri kai hmuh niin Zemabawk, Zotlang leh Zarkawt-ah hri kai pakhat theuh hmuh an ni bawk.

District hrang hranga TrueNat Laboratory-ah niminpiah khan Sample 54 enfiah niin hri kai mi pakhat hmuh a ni a, Lunglei District-a hri kai hmuh niin Uttarakhand atanga lo kal a ni thung.

Heti hian Mizoram-a COVID-19 hri kai hmuh chu mi 3309 an tling ta a, an zinga mi  2792 te chu enkawl dam ni tawhin tunah hian hri kai enkawllai 515 an la awm mek a, hri kai zingah nunna chan mi pahnih an awm tawh bawk a ni.