Chawtha ei pawimawh zia inzirtirna Serchhip-ah nei

Serchhip District Police leh Serchhip ICDS Project tangkawp buatsaihin nimin khan Police fa hmeichhia te tan chawtha ei pawimawh zia inzirtirna Serchhip-ah neih a ni.

Serchhip SP Conference Hall-a nimin a hun hman hi Serchhip Addl. SP, PC. Laltanpuia chuan a hawnna hun hmanpuiin hmeichhe naupangte an lo thanlenna kawngah chawtha an ei a pawimawh zia anmahni ngei pawhin an hriat a pawimawh thu sawiin, chutiang an hriat theihna tura inzirtirna hun Serchhip ICDS Project nen tangkawpa buatsaih a ni chu lawmawm a tih thu a sawi a. He huna tel Police fa hmeichhe naupangte chu an thil zir te hre renga tangkai taka hman tum turin a chah bawk. Tunlai khawvel-ah hursualna avangin hmeichhia te chungah hleilenna thleng a tam thu pawh Addl. SP chuan sawiin, anmahni venhimna kawngah mitin ten mawhphurhna kan neih thu a sawi bawk.

Nimin-a he hun hmanna ah hian Serchhip ICDS Project atangin Laldinpuii Ralte, Block Project Assistant leh Angela Vanlalruati, Block Coordinator te chuan taksa hrisel nei tura chawtha ei pawimawhna hrang hrang te sawiin, taksa lo thanlenna tura kan taksa in a mamawh chawtha kan hmuh theihna tur kawng te an sawi a, hmeichhia ten an lo thanchhohna kawnga taksa hrisel an neih theihna tura chaw tha ei a pawimawhn te an sawi bawk a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn