MZP hruaitu ten Home Minister kawmin ramri tlawhkual turin Home Minister an ngen

/

MZP General Hqrs. hruaitute chuan nimin khan Home Minister, Lalchamliana chu a Pisa ah hmuin ramri-a hmalak mekna chungchang an sawipui a, rawtna hrang hrang an thlen bawk.

Home Minister hmutu MZP General Hqrs. hruaitute hi an President, B. Vanlaltana chuan hovin tunhnaia Mizoram leh Assam inkara buaina leh harsatna thleng chungchanga Home Minister hmalakna chu MZP leh mipui ten an duhkhawp loh MZP chuan an sawi a, Mizo mipuite leh a bik takin ramri hrula khawsate thlamuan tur leh nunna thapa duty mek kan Sipai huaisen te Hnam rilrupu a thahnem ngai taka duty tura fuih tura ramri tlawh kual turin Home Minister hi an ngen a ni.

Hei bakah hian Assam sawrkarin buaina leh harsatna thlenna hmunah an Official te bakah an Police te an tirh zung zung dan te, Sawrkar leh mipui tangkawpa hma an lakho dan te, ramri ngaihtuahtu tur bik Boundary Department an neih dan te, ramri tihhmasawnna tur a hrana budget an neih avanga Development chak taka an kalpui zung zung chu a rualawh thlak zia pawh Home Minister hi an hrilh a. Mizote luah china kan Police duty te chu thuam chak lehzual turin leh tunlai kan buaina denchhena ramri-a duty te duhsak leh zual turin MZP chuan Home Minister hi an ngen nghal a ni.

Home Minister chuan, MZP thil thlen hrang hrangte chu Mizoram Chief Minister a lo sawipui tur thu leh a theih ang anga hmalak anih tur thu a sawi a. Ramri ngaihtuahtu tur Department a nih em loh pawhin Boundary Wing emaw tal pawh neih ngei anih theihna turin hmalak a nih tur thu MZP hruaitute alo hrilh bawk a ni.

MZP hruaitute hian nimin vek khan zirlai zinga COVID-19 hri kai avanga ZMC Falkawn leh BSUP Durtlang Covid Care Centre-a enkawl mek mi 36 te an tlawh a, an taksa mamawh eitur hrang hrang an pe a. Heng zirlai enkawl mekte hi dam leh vat turin duhsakna an hlan bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »