Current sang thut vanga lungawilohna thlen

Kar kalta Zirtawpni chawhma lama Serchhip Bazar leh a chhehvel a Electrict Current sang thut avanga bungraw chhia te chuan nimin khan Serchhip Power Sub-Division a SDO hnenah ziakin lungawilohna thu an thehlut.

Serchhip Bazar leh a chhehvelah hian kar kalta Zirtawpni, Oct. 30, 2020 chawhma dar 9:00-12:00 inkar a Electric Current sang thut avangin Inchhung bungrua chhia a tam viau nia thudawn a ni a, hetianga Current sang thut avanga bungraw chhiat vak hi tum hnih an tawhna tih helai vela cheng te chuan an sawi a, hei vang hian bungraw chhia chhungkaw engemaw zat chuan nimin khan helai bial viltu P&E Department SDO hnenah a hohovin ziakin lungawilohna thu hi an thehlut ta a ni.

Tun tuma Electric sang thut avanga bungraw chhe zingah hian Light Bulb, TV, Set Top Box leh Adapter, Fridge, Induction Stove, CCTV leh Mobile Phone te telin, Light Bulb puak keh leh Set Top Box Adapter chhia te chu a tam ber an ni a, bungraw chhia hlut zawng hi a vaiin Rs. 6,00,000/- chuang hu nia chhut a ni. Chhiatna tuartu te hi an vaiin chhungkaw 40 chuang an ni a, an lungawilohna thlen chungchangah hian tun thla ni 10 hma a Sawrkar lam atanga hmalakna a awmlo anih chuan Consumer Court lamah thlen leh an tum thu thu an lehkha thehluh ah an ziak a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn