Latest News

Serchhip District-ah COVID-19 Vaccine pe leh dawn

Tunkar lo awm tur, June 14-18, 2021 chhung hian kum 18 leh 44 inkar tan Serchhip Main Centre, CMO Office Building-ah COVID-19 vaccine lak leh theih a ni dawn a, a hmaa kalphung ang bawkin Vaccine la tur hian Self Registration tih a, Vaccine lakna tura inziahluh hmasak leh tur a ni ang. In register hun hi vaccine lak dawn ni hma zan dar 9:00-ah zel hawn thin a ni ang.  Inziahluhna tur : http://selfregistration.cowin.gov.in

ZLP Group Leader in thuthar thehdarhtute a kawm

ZPM Legislature Party (ZLP) Group Leader Lalduhoma MLA chuan, BJP ten Assam-ah sawrkarna an siam nawn theih nan Mizoram sawrkarin ramri an hralh ta em ni tih chu sawrkar an zawhna a nih thu a sawi.

Nimin-a Aizawl Press Club-a chanchinbu mite a kawmna ah Lalduhoma chuan ruahmanna fel fai taka siama ramri-a buaina siamah Assam sawrkar chu a puh a, MLA inthlanpui an hmachhawn tur atana ti an ni ngeia an ngaih thu leh an thawhpui Mizoram sawrkar pawhin a hriatpui an rin thu a sawi bawk. Lalduhoma chuan, Mizoram chhung ami Thlam te hal a, Police duty te kut thlak a, inkalpawhna kawngpui te dang chata an chet laia Mizoram sawrkar a che ve miah lo chu mak an tih thu pawh sawiin, “Heti khawpa an che na chunga Mizoram sawrkar a che miah lo hi a mak a, engmah a ti ve lo hi thil mak a ni. Lailapur khaw te tak tak te hi Mizoram sawrkar hian a ngam thlawt lo a ni ber,” a ti bawk.

Comments

Chhiar Hlawhte