Upa T. Romama hnenah Mizo Literary Award hlan

Mizo Writer Association (MWA) chuan nimin khan ‘Thu Leh Hla Kutpui’ hmangin Mizo Literary Award chu Serchhip Dinthar Veng-a cheng, Upa T. Romama hnenah an hlan.

MWA hian nimin khan Higher & Technical Education Department Director Room-ah ‘Thu Leh Hla Kutpui’ hi hmangin Mizo Kristian thalaite sak tur hla phuah thiam, 'Krista rilru' tih phuahtu, Upa T. Romama, Serchhip hnenah Mizo Literary Award hi an hlan a, he chawimawina hi kum thum danah Mizo thu leh hla lama thawh hlawk, la dam lai ngei, kum 65 chin chung lamte zinga mi pakhat hnenah a hlan thin a, kumin hian Upa T. Romama hnenah hian an hlan ta a ni. Upa T. Romama hi Thingfal khaw chhuak niin, tunah hian Serchhip Dinthar Veng-ah an chhungkua in an khawsa mek a, hla 160 vel a phuah tawh a ni.

MWA hian BA (Mizo) a titha ber hnena an hlan thin, 'R. Buchhawna Proficiency Prize' chu Lalneihmawii, PUC atanga zir chhuak, Zokhawthar khua hnenah an hlan bakah MA (Mizo) a titha ber hnena an hlan thin 'J. Malsawma Proficiency Award' pawh Thang Sian Tluanga, PUC atanga zir chhuak, Ngaizawl khua hnenah an hlan bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn