Latest News

Agri. Minister in ramri hnaih khua tlawh

Agriculture Minister, C. Lalrinsanga chuan tunlai ramri buaiin a tuam- Saihapui ‘V’, Thinghlun leh Vairengte khuaa loneituten hnamdang puihna tel lova hma an lak theih dan tur a enpui.

Inrinni khan Agriculture Minister ho hian Kolasib District-a Agriculture Department leh Irrigation & Water Resources Department hotute chuan Saihapui ‘V’ an tlawh a, khaw mipuiten hnamdang tel lova hmalakna an kalpui theih nan an mamawh te an zirchiang nghal a ni. Khawtlang hruaitute chuan Minister hnenah hian an mamawh hmasa thlenin, Thlasik thlai lama hmalak nan thlai chi, leilehna khawl leh thlai tui peknan Water Pumpset an mamawh tih an sawi a, Department hotute chuan leilung sawngbawl nan Chinai thi leh loneitute leilet lehsakna tur an ngaihtuahsak theih tur thu an sawi a, leilehna turin Power Tiller leh Thlasik thlai chi pek nghal an nih tur thu an sawi.

Minister hian ramri-a Mizo mipuite chu thinlung taka a thlawp tlat thu a sawi a, mipuite chu thlaphang lo tura chahin, kan pi leh pu te lo sah chhuah hmunhma chu engti kawng maha inhnehchhuh chi a nih loh thu a sawi bawk.

Comments

Popular News (Last 30 Days)