Vanduaina tawk hmeichhia zangnadawmna pe

Zonuna Kawlni /

Serchhip District Legal Services Authority hmalakna in nimin khan Serchhip District chhunga vanduaina tawk hmeichhia pathum te hnenah Mizoram Victims of Compensation Scheme hnuaiah zangnadawmna semchhuah a ni.

Mizoram Victims of Compensation Scheme hnuaia zangnadawmna semchhuahna hun nimin-a Serchhip District Court-a neih hi Chief Judicial Magistrate, Ngursangzuali Sailo chuan kaihruaiin Mizoram Victims of Crime Compensation (Amendment) Scheme 2016 chungchang te leh zangnadawna pek dan kalhmang te a sawifiah a, Mizoram Sawkar in hetiang anga vanduaina tawkte tanpuina tura ruahman a siam chu lawmawm a tih thu leh chhawmdawlna dawngtu te pawhin tangkai taka an hman a duh thu a sawi a. Tunah hian Central Sawrkar pawh in hmeichhia vanduaina tawk zawng zawng ten awlsam zawka an hman tangkai theih tur Scheme thar hman mai theih tawh a duan thu a sawi bawk.

Nimin a zangnadawmna semna hunah hian mi pathum hnenah zangnadawmna sumfai hi semchhuah niin Serchhip DC Office-a SDC, Manesia Khaihmeichho; Serchhip SDPO Kaste Romalsawmna leh MUP Serchhip District President, CL. Ramngaia ten a dawng turte hnenah an hlan a, zangnadawmna semchhuah hi a vaiin Rs. 11,50,000/- a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »