VC thlan-a lungawilohna thlen te ngaihtuah tan

Lunglei District Tribunal Committee chuan Village Council inthlanpui 2020 neih zawh taka an District chhunga lungawilo te thu thlen chu nimin khan a ngaihtuah.

Kumin-a VC inthlan neih zawh takah khan Vote thlak dan chungchangah leh Vote chhiar dan chungchanga lungawilo Lunglei District chhunga khaw 16 te chuan Mizoram State Election Commission hnenah an lungawilohna hi an thlen a, SEC chuan ngun taka a zirchian hnuah ngaihtuah zui tlakah ngaiin, District Tribunal Committee kutah ngaihtuah chhunzawm turin a dah a ni.

Lunglei Dist Tribunal Committee chuan hemi chungchangah hian khaw hrang hrang atanga lungawilohna neite kokhawmin an lehkha thehluh chungchang an sawifiah tir bakah an lungawilohna chhan a zawtfiah a, District Tribunal Committee thutlukna puan hun tur erawh hriat theih a la ni rihlo thung.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn