Inrinni-ah hri kai 32 hmuh belh leh an ni

Inrinni-a Mizoram-a Sample enfiah atangin COVID-19 hri kai mi 34 hmuhchhuah leh niin heng zinga mi 32 te chu Aizawl District-a hri kai hmuhchhuah te an ni.

Inrinni khan ZMC Laboratory-ah Sample 1221 enfiah niin heng atang hian hri kai mi 28 hmuhchhuah niin an vai hian Aizawl District-a hri kai hmuhchhuah vek an ni a, chhungkaw pakhat atanga hri kai pakhat aia tam hmuhchhuahna chhungkaw panga (5) zet awmin Khatla-ah Local Level Task Force Chairman chuan hri a kai tih hmuhchhuah a ni a, Thakthing Veng atanga ZMC-a Duty pakhat in hri a kai tih hmuhchhuah a ni bawk. Heng bakah hian State pawn atanga rawn lut hri kai mi pathum an awm bawk a ni.

Inrinni khan Rapid Antigen Test hmangin Sample 355 enfiah niin hri kai mi 6 hmuhchhuah an ni bawk a, heng zinga mi 4 te chu Aizawl District mi leh sa niin hri kai hmuhchhuah zingah hian Civil Hospital Aizawl Staff Nurse hnathawk pakhat a tel a. Lawngtlai District atangin hri kai mi 2 hmuhchhuah niin State pawn atanga rawn lut ve ve an ni thung.

Nimin khan Mizoram-ah COVID-19 hri kai mi 8 enkawl dam leh niin heti hian tun thlenga Mizoram-a hri kai hmuhchhuah chu 2756 an tling ta a, mi 2299 enkawl dam niin hri kai enkawllai 456 an la awm a, nunna chan mi pakhat an awm tawh bawk a ni.

India-ah hri kai enkawl mek an tlem tial tial :

India rama COVID-19 hri kai hmuhchhuah atangin tuna enkawl mek chu zaa 6.97 chiah an ni tawh. Ministry of Health & Family Welfare chhinchhiahna atanga a lan danin darkar 24 kalta chhung khan India ram ah hri kai 58,684 te chu enkawl dam leh niin tun thlenga hri kai enkawl dam chu mi 74,91,513 an tling ta a, hei hi India rama hri kai hmuh tawh zawng zawng 81,84,082 atangin zaa 91.54 a ni. Darkar 24 kalta chhung khan Sample 10,91,239 enfiah atangin hri kai 46,963 hmuh thar leh an ni a, heng te nen hian India rama hri kai hmuhchhuah zawng zawng chu 81,84,082 niin India rama Sample enfiah tawh 10,98,87,303 atangin za zela 7.45 te chuan hri hi an kai a ni.

India ramah hian hri kai enkawllai 5,70,458 an la awm mek a, hei hi hri kai hmuhchhuah atanga chhutin zaa 6.97 niin tun thlengin hri kai zinga nunna chan mi 1,22,111 an awm tawh bawk a, hei hi hri kai hmuh tawh atangin zaa 1.49 a ni bawk.