Serchhip DTO-a lirthei ziahluh in sing khat tling ta

Serchhip DTO Office-a lirthei ziahluh thar chuan sing khat tlingin nimin tlai atang khan Registration number pek-ah ‘A’ pek belh a ni ta.

Serchhip-a District Transport Officer (DTO) Office atanga thu kan dawn danin Serchhip District-ah hian October, 2003 atang khan Motor Registration hi kalpui niin Serchhip DTO Office hi MZ-06 pek a ni a, kum 17 zet Motor Register hna hi kalpui a nih hnuah niminpiah tlai khan Motor Register zat hian 9999 pelin 10,000 Register a ni ta a, The Mizoram Motor Vehicle Act in a sawi angin digit 4 chin chunglam ah hian Motor Registration number-ah Alphabet pek tel tur niin tunah chuan Motor Register thar-ah chuan ‘MZ-06/A’ tih hman a ni tawh dawn a, tunah hian sing khat chung lamah hian register 16 a awm leh tawh nia thudawn a ni bawk. 

Serchhip DTO Office-a lirthei ziahluh thar zingah hian lirthei ke 2 nei, Scooter/Scooty leh Bike chu a tam ber nia thudawn a ni a, Private Car chuan dawtin Auto Rickshaw leh Pik-Up te chu lirthei ziahluh zingah a tam zual a ni.