Latest News

Serchhip District-ah hri kai enkawl awm tawhlo

Serchhip District-a COVID-19 hri kai enkawl mi pahnih te chu nimin khan anmahni enkawlna hmun atanga chhuahtir leh niin tun dinhmunah Serchhip District-ah hri kai enkawllai an awm tawhlo.

Serchhip District-a COVID-19 hri kai hmuhchhuah zawng zawng mi 87 te Inrinni kalta a enkawl dam an nih hnuah District dang atanga Serchhip District-a hri kai enkawl tura an rawn dah, BSF mi pahnih te chu nimin khan enkawl dam leh niin anmahni enkawlna hmun, Nursing School CCC atangin chhuahtir ve leh an ni a, heng hri kai enkawl dam tak te hi Nov. 1-a Serchhip-a rawn dah niin an Sample enfiah a nih hnuah hri lakah an him tih finfiah niin nimin khan chhuahtir an ni ta a ni.

Tarlan tawh angin Serchhip District-ah hian COVID-19 hri kai mi 87 hmuhchhuah ni tawhin heng mite hi enkawl dam vek niin Inrinni khan hri kai enkawl dam hnuhnung ber chu COVID Care Centre (CCC) atangin chhuahtir a ni a, Serchhip District-ah hian Oct. 28, 2020 hnuah hri kai hmuhchhuah an awm tawhlo a ni. Serchhip District-ah hian Aizawl lam atangin hri kai enkawl tur rawn dah thin an nih bakah BSF Sipai zinga hri kai te enkawlna atan Serchhip Nursing School chu buatsaih a ni bawk a, Nursing School CCC-ah hian BSF Sipai hri kai 191 enkawl dam ni tawhin Thenzawl-a AYUSH Hospital CCC-ah District dang atanga hri kai enkawl tura rawn dah mi 58 enkawl dam an ni tawh bawk a ni.

Comments

Popular News (Last 30 Days)