Latest News

Serchhip District-ah COVID-19 Vaccine pe leh dawn

Tunkar lo awm tur, June 14-18, 2021 chhung hian kum 18 leh 44 inkar tan Serchhip Main Centre, CMO Office Building-ah COVID-19 vaccine lak leh theih a ni dawn a, a hmaa kalphung ang bawkin Vaccine la tur hian Self Registration tih a, Vaccine lakna tura inziahluh hmasak leh tur a ni ang. In register hun hi vaccine lak dawn ni hma zan dar 9:00-ah zel hawn thin a ni ang.  Inziahluhna tur : http://selfregistration.cowin.gov.in

Hnuhkal chawp ngai CM leh HM neih vanduaithlak ti

ZPM Thalaite chuan Zoram-in hnuhkal chawp ngai Chief Minister leh Home Minister kan nei chu vanduaithlâk an tih thu an sawi.

Nimin-a thuchhuah an siamah ZPM Thalaite chuan kan kiang lawka Mizo Driver te ni engemaw zat mangang taka tâng te pawh chhanchhuak thei lo sawrkar kan nei chu vanduaithlàk an tih thu sawiin, a nunrawnthlak an tih bàkah, a rampum leh hnam huap pawha thil zahthlâk leh mualpho thlak ni ah an ngai tih an sawi a. ‘Mahni Mizo puite leh zirlaite kutthlàk nana awlsam taka a Sipaite hmang thin kan sawrkar hian, vai laka kan unaute chhan tur hian engvangin nge a kut a tih kawm tlat?’ tih chu an zawhna a nih thu an sawi bawk.

Hei bakah hian kan ram hian pa en a en theih, thil lawmawm chauh lam nilo, thil lawmawm loh lam alo thlen pawha mawh la ngam Chief Minister kan nei lo chu lungchhiatthlâk an tih thu pawh sawiin ZPM Thalaite chuan, Zoram chu hun thimah a lut mèk nia a lan thu an sawi a, “Kan sawrkar hian dik tak leh huaisen taka ro an rel theih nan Zoram mipui ten uar takin i tawngtaipui ang u,” an ti bawk.

Comments

Chhiar Hlawhte