Latest News

GAD leh SAD chhunfin duhloh lantirna nei

Nimin khan Joint Action Committee On Amalgamation of GAD & SAD chuan GAD leh SAD chhunfin duhlohna an lantir.

Joint Action Committee hruaitute chuan Chief Minister-in Session neih zawh taka a thusawiah, ‘SAD (Secretariat Administration Department) hi GAD-ah kan telh daih tawh a, SAD hi Department hrang anga dah hi a buaithlak lutuk a, State tam tak pawhin an tih dan a ni tho a, he thu hi Cabinet Meeting-a rel turin dah mek a ni,’ a tih chu Chief Minister chan Department a nih ngei avangin a tlang an rin thu leh an duh loh thu an sawi a. A Department hmingah pawh Secretariat Administration Wing (SAW) a ni tawh dawn a, he hmalakna hi a kal zel a nih chuan theihtawpa an do zel dawn thu an sawi bawk.

Joint Action Committee Chairman, Zothangliana chuan tuna an kal dan chu a thatlohna hriat tur a awm chuanglo nia sawiin, tuna hmalakna thar chu Mizoram Secretariat tei tetna-ah an ngaih thu a sawi a, “Sawrkar tan pawh Secretariat ber enkawltu department nei ta lova, Wing pakhat in a enkawl ta mai tur hi a zahthlak in kan hria,” tiin Posting & Transfer, Service Seniority thlenga nghawng la nei thei a nih thu a sawi bawk.

Comments

Chhiar Hlawhte