Latest News

Hri kai 37 zet hmuh leh niin mi 7 enkawl dam an ni

Niminpiah-a Mizoram-a sample enfiah 2317 te atangin COVID-19 hri kai mi 37 zet hmuh-chhuah leh an ni.

Niminpiah khan ZMC Laboratory-ah Sample 278 enfiah niin COVID-19 hri kai mi 6 hmuhchhuah an ni a, an zinga 5 te hi hri kai kawmhnaih inkhunghrang lai niin midang pakhat hi tunhnaia State pawn atanga rawn haw a ni. District hrang hranga TrueNat Laboratory-ah niminpiah khan Sample 48 enfiah niin hri kai pahnih hmuh an ni a, Lunglei-ah State pawn atanga rawn haw hri kai pakhat hmuh niin Ser-chhip District-ah tunhnaia Assam inthlanna a Duty Mizoram Police rawn haw zingah hri kai mi pakhat hmuh a ni bawk.

Niminpiah khan Mizoram-ah Sample 1991 enfiah niin hri kai 29 hmuh an ni a, Lengpui Airport Screening Point-ah State pawn atanga rawn lut tur atangin hri kai 19 hmuh an ni a, an vai hian hri kai lanchhuahna awmlo an ni. Aizawl khawpui Veng hrang hrangah hri kai 8 hmuh leh an ni a, Aizawl Kanan Veng-ah chhungkaw pakhat atangin hri kai 4 hmuh niin an pa ber hi tunhnaia State pawn atanga rawn haw, RAgT Negative hnua hri kai lanchhuahna nei a ni a, a nupui pawhin hri kai lanchhuahna a nei bawk. Heng bakah hian Kolasib District-a Vairengte leh Bairabi Screening Point atangin Mizoram a rawn lut tur atangin hri kai pakhat ve ve hmuh an ni bawk.

Nimin khan Mizoram-ah COVID-19 hri kai mi 7 enkawl dam leh an ni a, heti hian nimin tlai dar 5:00 thleng khan Mizoram-a hri kai hmuhchhuah chu 4722 tling tawhin hri kai hmuhchhuah atang hian mi 4477 te chu enkawl dam an ni tawh a, hei hi hri kai hmuhchhuah te atangin zaa 94.81 niin tunah hian hri kai enkawllai 233 an la awm a, hri kai zingah nunna chan mi 12 an awm tawh bawk a ni.

Comments

Chhiar Hlawhte