Hri kai 74 enkawl mek an ni

Zonuna Kawlni /

Serchhip District-a COVID-19 hri kai hmuhchhuah tawh zingah enkawllai mi 74 awm mekin an zinga 72 te chu Nursing School CCC-ah enkawl an ni.

Serchhip CMO Office atanga thu kan dawn danin West Bengal inthlanna a Duty, PTS Thenzawl-a niminpiah-a rawn thlenpui Sample enfiah atanga hri kai hmuhchhuah mi 64 te chu nizan hmasa khan Nursing School CCC-ah enkawl tura rawn thlenpui an ni a, a hmaa CCC-a enkawl mi 10 awmsa te nen Nursing School CCC-ah hian mi 72 enkawl mek an ni a, midang pahnih te chu Home Isolation-a enkawl an ni thung.

Serchhip District-ah hian tun thlengin COVID-19 hri kai 264 hmuhchhuah an ni tawh a, an zinga mi 189 te chu enkawl dam ni tawhin mi 74 enkawllai an awm bakah hian nunna chan mi pakhat a awm tawh bawk a ni. Nimin khan Serchhip District-a TrueNat Laboratory-a enfiah turin Sample 14 lak niin Rapid Antigen Test hmangin Sample 38 enfiah a ni bawk a, nizan khan result hriat hman beisei a ni bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »