Latest News

Mizoram-ah African Swine Fever a leng tih pawm

National Institute of High Security Animal Diseases (NIHSAD), Bhopal in Mizoram-a Vawk hri leng mek chu African Swine Fever (ASF) a ni tih finfiah hnuah Sawrkar laipuiin a pawmpui ta.

Mizoram sawrkar-a AH&Vety Department atanga thudawn danin Vawk hri, African Swine Fever in Mizoram a luhchilh ni a rinhlelh anih hnuah ASF a ni tih chu nemngheh a ni ta a, he hri avang hian nimin khan Mizoram hmun hrang hrangah Vawk 44 thiin heti hian tun thlenga Mizoram-a Vawk thi tawh zawng zawng zat chu 806 a tling tawh a ni.

African Swine Fever nia rinhlelh leng mék hian Chawngte pawh a luhchilh ve tawh nia thudawn a ni a, Chawngte-ah hian AH&Vety Department report a lan danin Vawk 20 vel thi tawh a, Department lam chhinchhiah danin Chawngte Block-ah hian Vawk 3670 a awm mek a ni. Chawngte Chief Veterinary Officer, Dr. C. Khawlthangmawia chuan ran vulhtute hnenah Vawk In silna tur, Sodium Hypochloride semin, Vawk damlo nia hriat te enfiah nghal a ni a, khawtlang hruaitute nen inhmukhawm-a hmalak zui tum a ni bawk.

Comments

Chhiar Hlawhte