Latest News

Mizoram-ah hri kai pung zel

Zirtawpni khan Mizoram-ah COVID-19 hri kai mi 62 hmuhchhuah niin Inrinni khan hri kai mi 50 hmuhchhuah leh an ni bawk.

Zirtawpni khan ZMC Laboratory-ah Sample 345 enfiah niin heng atang hian COVID-19 hri kai mi 12 hmuhchhuah an ni a, tunhnaia hri kai hmuhchhuah tawh te nen inkawmhnaih atanga hri kai tih hmuhchhuah an ni a. District hrang hranga TrueNat Laboratory-ah Sample 112 enfiah niin hri kai 23 zet hmuhchhuah an ni a, heng zinga a tam zawk mi 21 te chu tunhnaia Assam inthlanpui-a Duty Mizoram Police, Lunglei-a inkhunghrang lai an ni a, tunhnaia Delhi atanga rawn haw Chawngte mi 2 te chuan hri an kai tih hmuhchhuah a ni bawk.

Zirtawpni vek khan Rapid Antigen Test hmangin Sample 1612 enfiah niin hri kai 27 hmuh an ni bawk a, an zinga 14 chu Aizawl District mi niin Champhai District-ah pakhat, Kolasib District-ah pakhat, Serchhip District-ah pathum leh Lawngtlai District-ah mi 8 an ni.

Inrinni khan Mizoram-ah Sample 1745 enfiah niin hri kai mi 50 hmuh leh an ni a, ZMC Laboratory-a Sample enfiah 306 atangin hri kai 18 hmuh niin an vaiin In lama inkhunghrang lai an ni a, District hrang hranga TrueNat Laboratory-ah Sample 29 enfiah niin Serchhip-ah hri kai pakhat hmuh a ni. Inrinni khan Rapid Antigen Test hmangin Sample 1410 enfiah an ni a, hri kai 31 hmuh an ni a, Lengpui Airport Screening Point-ah mi 10 hmuh niin Aizawl-ah mi 18 hmuh an ni a, Mamit leh Kolasib-ah hri kai pakhat ve ve hmuh a ni bawk.

Nimin tlai dar 5:00 thleng khan Mizo-ram-a hri kai hmuhchhuah chu 4859 an tling tawh a, nimin-a hri kai enkawl dam mi 26 te nen tun thlengin mi 4509 te enkawl dam ni tawhin hei hi hri kai hmuh atangin za zela 92.80 a ni a, tunah hian hri kai enkawllai 338 an la awm mek a ni.

Comments

Chhiar Hlawhte