Warning pe turin ZPM in ti

ZPM Serchhip Block Committee chuan MNF Candidate, Vanlalzawma chu thu belhchian dawllo hmanga vote zawng tawhlo tura warning pe turin thuneitute hnenah an thlen tih an sawi.

Nimin a thuchhuah an siamah ZPM Serchhip Block chuan Serchhip bial-a bye-election neih turah Social Media lama hmuh leh hriat angin MNF Candidate, Vanlalzawma'n Govt. Serchhip College building leh hmunhma behchhana a campaign leh College zirlai-in College zirlai a ni tih hriat theih ngei tura College T-Shirt ha a, College-a a nih/zir mek tarlang leh, chu College hmun ngeia thu a sawi te chu Dan bawhchhiatna nia sawiin, College building sakna tur sum, NEC atanga Vanlalzawma'n a hnukchhuak dawn ang maia sawi chu sanction engmah a la awm loh avangin, thu belhchian dawllo hmanga vote zawnna a ni tih an sawi a.

He thil hi Dan bawhchhiatna a ni tih sawiin, thu neitute pawhin an bawhzui mek thu leh, MNF Candidate pawh Candidate atanga disqualify theih reng ni mah se an Party chuan, “Pu Vanlalzawma hi disqualify loh ni se; amaherawhchu, tun hnuah hetiang Dan bawhchhiatna leh, thu belhchian dawllo hmanga vote zawn hi ti tawh lo turin warning pe zawk rawh se,” tiin thuneitute hnenah an thlen tih an tarlang bawk.