Inhruipawh-ah Police chak

/

Serchhip District Tug of War Association buatsaih Serchhip District Level Tug of War Competition chu Inrinni khan neih niin Serchhip District Police te an champion.

New Serchhip Boxing Hall kawt-a Serchhip District Level Tug of War Competition neih ah hian Serchhip khawpui chhung atangin Team 6 telin heng Team atang hian Serchhip District Police te hi an champion a, Serchhip Kawnpui South Branch YMA 'B' Team chu pahnihna niin Serchhip Kawnpui South Branch YMA 'A' Team chu pathumna an ni bawk.

Serchhip District Level Tug of War Competition puala hun hman hi Serchhip District Tug of War Association President, PB. Malsawma chuan kaihruaiin he hun rawn hman-puitu Mizoram Tug of War Association-a General Secretary, C. Lalhmachhuana chuan Mizo inhruipawh, Tug of War inelna hi nikum lamah hri leng avanga neih theih a nih loh hnuah sawrkar atanga sum an hmuh hmangin kumin hian District 6-ah buatsaih a nih dawn thu a sawi a. Tun tum hi a hmasa ber a nih thu leh District dangah pawh neih chhoh zel tum a nih thu a sawi bawk.

He intihsiakna a pakhatna hian lawm-man ah Rs. 5000/- dawngin pahnihna hian Rs. 3000/- an dawng a, a tel zawng zawng te hi lawm-man hlan theuh an ni bawk a. Hmeichhe lamah Team pakhat chiah an tel avangin anni pawh hi lawmman hlan an ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »