Latest News

COVID-19 hri danna la thei chin zawng ten hri danna la vek turin Serchhip CMO in a sawm

Image
Serchhip District Chief Medical Officer Dr. Laldawngliana Sailo chuan COVID-19 chu theihtawp chhuaha kan do chung pawha kan do hnehloh a ni tih sawiin, chumi dona hmanraw pawimawh tak chu hri danna laka ni tih a sawi a, hri danna la thei chin te chu la vek turin a sawm bawk.

ZNP atanga hnawhchhuah chungchang sawifiah

ZNP Party in an party atanga an hnawhchhuah tih an sawi an Party Vice President, H. Lalrinmawia chuan an Party Treasurer leh midang pathum te chu tun thla ni 19 khan an Party atanga hnawhchhuah an rel thu a sawi.

Tunhnaia ZNP in an Party President leh Vice President an hnawhchhuah thu thuchhuah siama an tarlan chungchang ah an Party Vice President, H. Lalrinmawia chuan ZNP Executive Committee hnuhnung berin a pass angin Party sum Audit leh Auditor atan pawh sawrkar mi chhawr lai hman an rel angin Committee zawhah Cash Book, Receipt leh Pass Book te hi Treasurer-in President hnenah a hlan tih a sawi a. President hian Vice President chu Mizoram sawrkar mi chhawrlai, Finance & Auditor Officer kutah Cash Book, Receipt leh Bank Pass Book te hlan tura hlan lehin, Sum Audit anih vangin April 2021 chhung atan Bank Account khawih chet theih lohvin Vice President-in Account a closed thu a sawi a. Bank Account Close a nih chhung hian Treasurer-in pawisa lakchhuah a lo tum nia hriat a nih thu leh Sum Audit anih chhung hian an Treasurer, JV. Pahlira leh Party chhungkuaa thenkhat te chuan Party Office Chahbi te thlakin Office an lo kalh niin a sawi bawk.

Hetianga thil a kal hnu tun thla ni 19 khan Emergency Meeting neiin Party chhunga harsatna siamtute hi Party-a an nihna atanga chawlhtir leh member an nihna thlenga hnawhchhuah nise tia relin chung mite chu an Treasurer JV. Pahlira, Secretary Lalduhkima Khiangte leh ZNP Thalai a General Secretary, R. Lalchawiliana leh DK. Thanga te an nih thu a sawi a. Hetianga ZNP General Hqrs. a Treasurer post a lo ruah tak avang hian Treasurer (Adhoc) atan Upa Thangchina, Zemabawk chu ruat nghal a nih thu a sawi bawk.

Comments

Chhiar Hlawhte