Latest News

Hri vanga nunna chan awm CM in pawi a ti

Chief Minister, Zoramthanga chuan COVID hripui avanga nunna chan an awm chu pawi an ti takzet tih a sawi.

Nimin-a thuchah a tihchhuah ah Chief Minister, Zoramthanga chuan COVID hripui avangin kumin chhung hian Mizoram chhungah mi pahnih - Ratna Gurung (54), Venghlui leh R. Lalmuanzova (34), Kanan Veng bakah, Mizoram pawnah mi pathum - Rudy K. Lalhmingsangi (33) Khawruhlian; Melody Malsawmdawngzuali (27) leh Rev. V. Lawmkima (70) Venghlui; an vaiin mi panga (5) kan chan tawh tih a tarlang a. “He hripui avanga min kalsan ta te kan lainatin an kalsan tak an chhungte kan tawrhpui takzet a. Pathian thlamuanna leh awmpuina kan dilsak a ni,” a ti.

Chief Minister chuan COVID hripui avanga nunna chan an awm chu pawi an tih thu leh Mizoram chhung leh ram pawna Covid avanga enkawl mekte, Pathian khawngaihna changa damna leh hriselna tha zawk an chan vek a duhsak thu leh an tan bang lova an lo tawngtai zel tur thu a tarlang bawk a ni.

Comments

Chhiar Hlawhte