Latest News

Inthlanna a Duty Police mi 108 in hri kai tawh

Assam leh West Bengal inthlana Mizoram atanga venhim hna thawka duty Mizoram Police lo haw zingah COVID-19 hri kai an awm nual a, hriat theih chinah mi 108 in hri an kai tih hmuhchhuah a ni.

He inthlanna a Duty Mizoram Police-te hian Thawhtanni zan khan Mizoram rawn thlengin nimin khan an inkhunghranna hmun theuhah Covid-19 an kai leh kai loh endik an ni a. West Bengal inthlana duty-a MAP, 5th IR leh MPRO mi 263 te chu nimin khan Thenzawl Police Training School (PTS) ah COVID-19 an vei leh vei loh RAgT hmanga enfiah niin mi 64 te chu hri kai an ni tih hmuhchhuah a ni a, midang 199 te hi PTS-a Quarantine Centre-ah khunghran nghal niin ni 7 hnuah TrueNat hmanga hri an vei leh vei loh enfiah leh an ni ang.

Rengdil-a 4th IR Bn. Hqrs. thara COVID-19 hri kai leh kai loh endik mi 91 zingah mi 39-in hri an kai tih hmuhchhuah a ni a. 2nd IR Bn. Khawzawl-a test mi 89 zingah mi 4-in hri kaiin, anmahni zuk hmuaktu driver pakhatin hri a kai bawk a. 2nd MAP Lunglei te chu chanchin ziah lai hian an motor a chhiat avangin Lunglei an la thleng kim lova, hei vang hian an dinhmun kimchang hriat theih ala ni lo bawk.

Comments

Chhiar Hlawhte