Latest News

Thinglian-a ramkang thelh theih ala ni rihlo

Serchhip District chhunga ramkang tam zawk chu thelh mih ni tawh mahse nimin tlai thleng khan Thinglian leh Hmunzawl inkar-a ramkang chu thelhmih theih ala ni lo thung.

Tunhnaia Serchhip District chhung hmun hrang hranga ramkang te chu mi tlawmngai leh kangthelhtu pawl te hmalakna in thelh mih a ni tawh hlawm a, Serchhip leh Thenzawl inkar-a ram kang pawh nizan hmasa khan thelh mih niin Chhiahtlang dai-a ram kang pawh nimin lam khan thelh mih a ni tawh a ni.

Hetihlai hian Serchhip District chhung Thinglian leh Hmunzawl inkar-a ram kang chu nizan thleng khan thelh mih theih ala ni lo a, nimin lam khan Indian Airforce Helicopter hmanga thelh tura ruahman ni mah se Tui chawi tur chungchangah harsatna a awm nia thudawn a ni a, Thinglian YMA hruaitute chuan tum khat chu Helicopter hian a rawn thelh nia an hriat thu sawiin, amaherawh chu awmzia a nei vaklo nia an hriat thu an sawi a. Thinglian ram hi a kang deuh vek tawh nia thudawn niin, nizan khan Lungpho ram a kan kai lohna turin an veng leh a ni.

Thinglian leh Hmunzawl mipuite hian tui in tur lamah harsatna an neih avangin Serchhip atangin tui chawi tur Motor chu nimin khan tirh niin nimin khan heng khua ah te hian Tui sem a ni bawk a. Kangthelh a thawkchhuak te hi Forest Department atangin thawktu ten vilin an mamawh an ngaihtuah sak reng bawk a ni.

Comments

Chhiar Hlawhte