Latest News

Law Commission in Dan siamthat tur an thlirho

Mizoram State Law Commission (MSLC) chuan Ningani khan ‘The Mizo Marriage, Divorce & Inheritance of Property Act, 2014’ siamthat ngai te an sawiho.

Mizoram State Law Commission (MSLC) hi Ningani khan an Chairman, Lal Khawbung hovin a Pisa-ah an thukhawm a, ‘The Mizo Marriage, Divorce & Inheritance of Property Act, 2014’ hman mek chu ennawn leh siamthat ngaite a awm nia hriain Law Commission member-te leh Central YMA leh MHIP Gen. Hqrs., Aizawl ten rawtna an siam te thlirho a ni a. An rawt zingah hian he Dan hmang thei tur siam that te, Mizo Dan-a man leh mual inhlan chu inneihna puitlinga ngaih nise tih te, nupa inthen thulhah nu-in nausen/naupang kum 5 (nga) a nih thlengin kawl se tih leh ro sem dan tihdanglam rawtna te a ni.

Hei bakah hian Lai Autonomous District Council chuan he ‘The Mizo Marriage, Divorce & Inheritance of Property Act, 2014’ hian Autonomous District Council area-te a huam tur a ni lo tih an sawi bawk. Heng rawtna lo lutte hi ngun taka zirchian a, Meeting leha ngaihtuah nise an ti. Hei bakah hian Cr.PC Section 125, 127 leh 167-na chungchang an sawiho bawk. A tul anga ngaihtuaha la sawiho zel nise an ti bawk.

Comments

Chhiar Hlawhte