Latest News

Chanchin thar thenkhat :

ICT Minister in Computer sem

ICT Minister, Robert Romawia Royte chuan khan Aizawl Vanapa Hall-ah Mizoram in IT zirna lama hma a sawn theih nan Mizoram chhung a High School hrang hrang 71-te hnenah Desktop Computer Set 7, UPS 4 leh Printer 1 theuh a sem a, Computer dawngtu High School 71 zinga 59 hi Aizawl khawpui pawn an ni. Heng Computer semchhuah tak te hi Ministry of DO-NER, North Eastern Council (NEC) Shillong hnuaia Project, ‘IT Education programme for 150 Schools in Mizoram’ atanga pekchhuah a ni a. He Project Implementing Agency hi Information & Communication Technology (ICT) Department hnuaia Mizoram State e-Governance Society (MSeGS) a ni. Computer semchhuah tak te hi a vaiin 537 a ni a, he project-ah hian cheng nuai 600 sen niin NEC in a tum vek a ni.


Mipuite thuchah tichhuak

COVID-19 chungchanga Mizoram sawrkar Official Spokesperson, Dr. Pachuau Lalmalsawma chuan COVID-19 hripui thawh 2-na, Second Wave thleng mekah Mizoram dinhmun pawh chik taka ngaihtuahin dinhmun thalo taka awm thei reng nia kan lan thu a sawi a, April thla ni 7 chhung lekin hri kai 46 lai hmuhchhuah an nih thu sawiin, Covid Appropriate Behaviour kan tih – Mask hman that, kut tihthianghlim leh midang hnaih loh te chu himna atan a pawimawh em em reng dawn tih a sawi a. Second Wave-a COVID-19 thawhdan chu a danglam deuh tawh avangin nawm loh hlek chuan inentir vat thin tur a nih thu thuchhuah siamin a sawi bawk.


Chief Minister in hmanpui

Mzoram Horticulture Service Association General Conference 24-na chu nimin khan Aijal Club-ah neih niin Chief Minister, Zoramthanga chuan khuallian niin a hmanpui a, Chief Minister chuan hlawk zawk leh quality tha zawk tharchhuah a, a chawmtu tur leitha leh ruahtui khawlna lamah tan la in, kuthnathawktute tan eizawnna ngelnghet tak kan siam theih tur thu a sawi.

Comments

Popular News (Last 30 Days)