Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Chanchin thar thenkhat :

Armed Veng-ah Vawk 25 thi

Mizoram hmun thenkhatah Vawk pul hri a leng mek a, Aizawl Armed Veng-ah pawh Vawk 25 zet thi tawhin Vawk hri lenna hmun, Infected Area-ah puan a ni. Inrinni khan Armed Veng Community Centre-ah an Veng huamchhunga Vawk vulhtute chu kohkhawm an ni a, he hun hi bialtu MLA, Robert Romawia Royte leh AH & Vety Minister, Dr. K. Beichhua chuan hmanpuiin AH & Vety Department Joint Director, Dr. Lalnghing-lova chuan tunlaia Vawk hri leng hi African Swine Fever anih an rin thu a sawi a, a vei zawng zawng chu an thi ngei tura ngaih anih avangin a taidarh loh nan finkhur taka Vawkvulh te enkawl a tul thu a sawi bawk. Hetihlai hian tunlai hia Mizoam hmun hrang hrangah Vawk thi hi hriat tur a awm belh deuh reng a ni.


Hna chhunzawm turin hriattir

Mizoram leh Assam ramri chungchanga nikum lama buaina a thlen hnuah Vairengte VC-I te chuan Vairengte Kawngthar Veng lama Mizo-ram chin, mihring la chen ngailohna ah In hmun thehin mi 70 hnenah In hmun an pek bakah kawng an lai a, henglai hmuna hnathawk te hi Ningani khan Assam Forest Department chuan tlawhin Assam ram-a Dan lova In sa ah ngaiin an hna chawlhsan turin an ti. Helai hmun hi Vairengte SDO (C) leh SDPO te chuan tlawhin an hna chu chhunzawm zel turin an hrilh thung a ni.


Hri danna pek tawh zat

Zirtawpni tlai thleng khan Mizoram pumah mi 68,592 te chu COVID-19 hri danna Dose 1-na pek an ni tawh a, an zinga mi 21,765 te chu Dose 2-na pek an ni tawh bawk. Serchhip District bikah Health Care Workers mi 714 te chu Dose 1-na pek ni tawhin mi 698 te Dose 2-na pek an ni tawh a, Frontline Workers mi 2247 te hnenah Dose 1-na pein mi 1028 hnenah Dose 2-na pek an ni tawh bawk. Kum 45 chung-lam mi 2144 te hnenah Dose 1-na pek ni tawh bawkin an zinga mi 143 te chu Dose 2-na pek an ni tawh bawk a ni.


Chhawmdawlna tur hlan

LPS leh ZONET tangdunin March 27 zan-a Myanmar raltlante chhawmdawlna tura Liberty for Myamnar Charity Concert-a an sum hmuh Rs. 13,17,200/- chu Myanmar-a hman turin NGO United Democracy for Myanmar leh Mizoram-a hman turin Central YMA kutah nuai 10 an hlan.


BJP ten vanduaithlak an ti

BJP Mizoram Pradesh Thalaite chuan Mi-zoram in sum-ah harsatna nasa tak kan tawk mek nia sawiin, hun khirh leh harsatna kan tawh mek laia kan ram hruaitu lu ber in Mau leh Rua ringawt mai a buaipui chu vanduaithlak an tih thu Inrinni khan thuchhuah siamin an tarlang.

Comments

Chhiar Hlawhte