Khuahkhirhna zawm tha

Mizoram sawrkar in COVID-19 hri hluar mek vanga mipui kaihhruaina thar a tihchhuah chuan Serchhip-ah pawh zawm a hlawh tha tan viau a, nimin lamah mipui vakchhuak an tlemin sumdawnna hmun tam tak khar a ni bawk.

    Mizoram sawrkar in niminpiah zing dar 4:00 atanga chawlhkar khat chhung mipui kaihhruaina thar a tihchhuah hi nimin lamah zawm la ni lutuk lo mah se nimin lamah chuan mipui te pawhin an zawm tha tan viau niin a lang a, Serchhip Bazar-a chawhmeh zawrhna building chu khar niin Bazar area-ah nitin mamawh zawrhna leh In sakna bungrua bakah kuthnathawktute mamawh zawrhna dawr tihloh dawr inhawng a awm meuh lova, dawr tam berah chuan anmahni dawrtute dawr chhungah luh rem lovin kut silna pawh chhawp a ni hlawm a, khawlai-ah mipui vakchhuak hmuh tur an awm meuhloh bakah lirthei vakvel pawh a tlem hle a, sawrkar Pisa hrang hrangah pawh dawrtu an awm meuhlo a ni.