Latest News

Observer thar rawn thleng

Serchhip Bial Assembly bye-election neih tura General Observer thar atana ruat, Vishesh Garhpale IAS chuan nimin khan Serchhip DC Meeting Hall-ah Nodal Officer te kawmin inthlanna thinghlim leh felfai a awm theih nana an hmalakna hrang hrang te a sawipui.

He inkawmna ah hian Visesh Garhpale chuan, Election buai-puitute tih dikloh zawnga rawn endik tura lo kal a ni lo tih sawiin, inthlanna fel fai leh hlawhtling a awm theih nana anmahni pui tura lo kal a nih thu a sawi a, chuvang chuan harsatna an tawhte hrilin a tul ang zela chinfel ho dan an zawn tur thu a sawi a. “Mihring kan ni a, tihpalh nei thei vek kan ni a, chuvangin engkim fimkhur takin kan kalpui dawn nia,” tiin Nodal Officer te hi a chah a ni.

He hunah hian Serchhip District Election Officer leh Returning Officer, Kumar Abhishek chuan bye-election neih nana inbuatsaihna hrang hrang kalpui tawh chin te leh hmabak la awm te a sawifiah a, Serchhip District SP, Stephen Lalrinawma pawhin venhimna lama ruahmanna an duan leh hma an lak dan te a sawifiah bawk.

Nimin vek khan Observer hian Election buaipuitute Room hrang hrang leh Expenditure Monitoring Cell te a tlawh nghal a ni.

Comments

Chhiar Hlawhte