Hri kai thar 22, enkawl dam mi 50

/

Pathianni khan Mizoram-ah Sample enfiah tlem deuhin COVID-19 hri kai hmuhchhuah pawh an tlahniam hret a, amaherawh chu Sample enfiah atanga za zela 5.22 te chuan hri an kai a ni.

Pathianni khan Mizoram pumah Sample 421 enfiah niin heng atang hian hri kai mi 22 hmuhchhuah an ni a, an zinga mi 21 te hi Rapid Antigen Test hmanga hri kai hmuh te niin an zinga mi 12 chu Aizawl District-a hri kai hmuhchhuah an ni a, an zinga mi 8 chu hri kai nen inkawmhnaihna atanga hri kaichhawng niin midang 4 te hi taksa-a hri kai lanchhuahna neih avanga sample enfiah leh hri an kaina hriatloh a ni thung. Kolasib District-ah Pathianni khan hri kai mi 4 hmuh niin an vai hian State pawn atanga rawn lut tur vek an ni a, Lawngtlai District-ah hri kai mi 4 hmuh niin hri kai tawh kawmhnaih atanga hri kaichhawng an ni a, Hnahthial District-ah Bhartia Infra Projects Limited (BIPL) camp-a awm mi pakhat chu hri a kai tih hmuhchhuah a ni bawk. Pathianni vek khan District hrang hranga TrueNat Laboratory-ah Sample 20 enfiah niin hri kai mi pakhat hmuh a ni bawk a, tunhnaia State pawn atanga rawn haw, inkhunghranna hmuna awmlai a ni.

Nimin khan Mizoram-a hri kai enkawl mi 60 te chu hri lakah fihlim in anmahni enkawlna hmun a\anga chhuahtir an ni ve leh a, heti hian nizan dar 8:00 thlenga Mizoram-a hri kai hmuhchhuah chu 5410 niin an zinga mi 4731 te chu enkawl dam an ni tawh a, hei hi hri kai hmuh tawh a\anga chhutin za zela 87.44 a ni a, tunah hian hri kai enkawllai mi 666 la awmin hri kai zingah nunna chan mi 13 an awm tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »