Latest News

ZORO hruaitu ten Chief Minister an kawm

ZORO hruaitute chuan nimin khan Chief Minister, Zoramthanga chu a Office-ah kawmin Myanmar ramin harsatna lian tak a tawh avanga kan unau, sahimna zawnga Mizoram lo lut te chhawmdawl dan tur chungchang an sawipui.

Nimin-a Chief Minister an kawmna ah hian ZORO General Hqrs. hruaitute chuan Chief Minister leh a thawhpuite hmalak dan ah lawmthu an sawi a, tun dinhmunah kan unaute Mizoram-ah mahni sahimna zawngin thahnem tak an lo tlanlut tawh tih sawiin, lo la luh tum pawh thahnem tak an la awm thu te, kan unaute sahimna zawnga Mizoram lo bel tute thlamuang taka an awm theih nan te, ei leh in, riahna tur thleng a an baihvai lutuk loh nan tih tur awm apiang leh a theih dan ang anga lo tanpui turin Chief Minister hi ngen a ni. Hei bakah hian Central sawrkar lamin Refugee Status a pek theih nana chak taka hma lak sak turin an ngen nghal bawk a ni.

Chief Minister chuan Myanmar atanga kan unau lo lut te hi an hre reng tih sawiin, Mizoram Sawrkar pawhin a theih ang anga an lo puih thu a sawi a. Central sawrkar pawh an nawr reng thu sawiin, Foreign Ministry lama an nawr nasat thu te, Central sawrkar pawh an nem viau tawh thu te, Mizoram lo bel te chu thlamuang taka awm tura a duh thu te ZORO hruaitute hi a lo hrilh a ni.

Comments

Chhiar Hlawhte