Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Mizoram-a Oxygen Supply-ah harsatna a awm rihlo

Industrial Growth Centre, Luangmual-a Zoram Oxygen chuan Medical Oxygen supply chungchangah tun thlengin Mizoram-ah harsatna ala awmloh thu an sawi.

Nimin-a thuchhuah an siamah Zoram Oxygen chuan tunlai hian Media hrang hrangah Medical Oxygen supply chatlak a hlauhthawn awm anga sawi a tam thu tarlangin, COVID-19 2nd wave awm hma, nikum October daih tawh khan Mizoram Sawrkar chuan ruahmanna fel tak siamin, Tender chhangtu Oxygen Gas manufacturers pathum- LZ Oxygen, Zoram Oxygen leh P. Zalena Gas te chu mimal bik thlang lovin, an zavaia hneh taka supply tlang tura a tih thu an tarlang a. Tun thlengin Medical Oxygen Gas hi hmun hrang hrangah in supply chhawkin, hneh tak leh hnianghnar taka an pek mek thu an sawi a. A nihna takah chuan an Refilling Capacity zatve pawh an la hmang pha lo hle nia tarlangin, a hralhna tur hi duh ang tawkin an hmu lo zawk tih an tarlang bawk.

Hetihlai hian niminpiah-a Health Minister hova sawrkar mi pawimawh te thutkhawmna ah COVID-19 hri kai te hman tur Oxygen chu tun dinhmunah vanneihthlak taka damlo serious kan la neih tlem avangin a thlaphanawm rih loh thu sawilan a ni bawk a, amaherawhchu hmalam hun hriat lawk a nih loh avangin lo inhmakhawsuih dan tur a theih ang anga ngaihtuah a nih thu leh F. Kapsanga, Tuikual te chhungin May thla chhung ZMC-SRHF a Oxygen mamawhte a thlawna an refill sak tur thu tarlan a ni bawk.

Comments

Popular News (Last 30 Days)