Khauh zawka inkhuahkhirhna kalpui duh thun sawi

COVID-19 Medical Operational Team (MOT) chu nimin khan thukhawmin Mizoram-a COVID-19 hri inkaichhawnna chhutchah a la nih loh avangin May ni 3-a inkhuahkhirhna kallai a tawp hnuah a aia khauha ni 7 dang inkhuahkhirh an rawt a, Vawiin-a sawrkar thuneitu sang thutkhawma ngaihtuah turin an thlen ang.

Mizoram sawrkarin COVID-19 hri leng dona kawnga kal zel dan tur ngaihtuaha lo thlir tura a tih avanga nimin-a COVID-19 Medical Operational Team thukhawm hian hri inkaichhawnna thleng mek khaidiat chu chhutchah la ni lo ah an ngai a, hei vang hian inkhuahkhirhna kalpui mek chu mihring nunna chhan nan chawlhkar khat (ni 7) tal khauh zual zawka inkhuahkhirhna kalpui leh tha an ti a, hemi ang hian sawrkar-ah rawtna an thlen dawn a ni.

April ni 20 atanga Aizawl leh District khawpuia inkhuahkhirhna kalpui tawhah mipui pawn chhuak an la tam hle tih he thutkhawmah hian tarlan niin mipui pawnchhuak awmlo tura inkhuahkhirhna hi kalpui an duh tawh nia thudawn a ni.