Mizoram-ah hri kai 45 hmuh belh leh an ni

Pathianni khan Mizoram-ah Sample 607 enfiah niin COVID-19 hri kai mi 45 zet hmuhchhuah an ni.

Pathianni-a Mizoram-a hri kai hmuhchhuah belh te hi Rapid Antigen Test hmanga Sample 602 enfiah te atanga hmuh vek niin an zinga mi 32 te chu Aizawl khawpui chhung Veng hrang hrang atanga hri kai hmuhchhuah niin an zinga mi 27 te chu hri kaina hriatloh an ni a, mi pakhat hi tunhnai State pawn atanga rawn lut niin midang 4 te hi hri kai tawh nen inkawmhnaih atanga hri kai an ni thung. Pathianni khan District hrang hranga TrueNat Laboratory-ah Sample 5 enfiah niin hri kai hmuhchhuah an awm lova, ZMC Laboratory-ah Sample enfiah a awmlo bawk a ni.

Nimin khan Mizoram-ah hri kai enkawl mi 9 te chu hri lakah fihlimin anmahni enkawlna hmun atangin chhuahtir an ni ve leh a, heti hian nizan thlenga Mizoram-a hri kai hmuhchhuah chu 4904 niin heng zinga 4518 te chu enkawl dam an ni tawh a, hei hi hri kai hmuh tawh atanga chhutin zaa 92.13 niin tunah hian hri kai enkawllai 374 an la awm a, hri kai zingah nunna chan 12 an awm tawh bawk a ni.