Latest News

COVID-19 hri danna la thei chin zawng ten hri danna la vek turin Serchhip CMO in a sawm

Image
Serchhip District Chief Medical Officer Dr. Laldawngliana Sailo chuan COVID-19 chu theihtawp chhuaha kan do chung pawha kan do hnehloh a ni tih sawiin, chumi dona hmanraw pawimawh tak chu hri danna laka ni tih a sawi a, hri danna la thei chin te chu la vek turin a sawm bawk.

Exit Poll khapna tichhuak

Serchhip District Election Officer chuan April 17-a Serchhip bial Assembly bye-election neih turah Vote thlak ni (Poll Day) a mipuite zawm tur hriattirna a tichhuak.

    Hemi chungchanga thuchhuah a siamah hian District Election Officer chuan 26 - Serchhip (ST) Assembly Constituency-a Bye Election lo awm turah Section 126A & 126(1)(b) of The Representation of the People's Act. 1951 in a sawi angin mi tu pawhin vote thlak ni (Poll day) a mipui vote thlak zo te Polling Station an chhuahsanin tunge an vote tih lo zawh a, chumi behchhana inthlannaa tling tur lo rinlawkna (Exit Poll) siam a, Print emaw Electronic Media emaw hmanga thehdarh chu Dan khap tlat a ni tih tarlangin, hei hian vote thlak ni (Poll day)-a inthlan tan zing dar 7:00 atanga inthlan hun tawp hnu darkar chanve, tlai dar 6:30 thleng a huam thu a tarlang a. Inthlan ni (Poll Day) a vote thak tawp hun (tlai dar 6:00) atanga chhiarlet-a darkar 48 hun chhungin Opinion Poll emaw, Poll Survey chungchang thehdarh khap tlat a nih thu a tarlang bawk.

Comments

Chhiar Hlawhte