Serchhip damdawi In enfiah

National Health Mission (NHM) Programme hnuaia Damdawi In fai leh tha thlanna, Kaya-kalp kalpui mekah nimin khan Serchhip District Hospital dinhmun rawn enfiah a ni.

Sawrkar laipui ruahmanna anga Kayakalp kalpui mekah Serchhip District Hospital rawn enfiah tur hian Dr. Lalramliana leh Dr. Lalchhuanawma te rawn kalin Serchhip District Medical Superintendent mawhphurhna la mektu, Dr. K. Lallawmzuala leh a thawhpui ten an lo dawngsawng a, heng dam-dawi In enfiahtute hian kaihhruaina Dan awmsa hmanga Hospital chhung leh a hmunhma zawng zawng te enfiahin damdawi In faina kawnga hma an lakna leh damdawi In tha tehna atana pawi-mawh, bungrua leh thildang an dah dan hrang hrang bakah thawktu ten damdawi In an enkawl dan te, damlo te an enkawl dan hrang hrang leh inrel-bawlna an kalpui dan te an zawtfiah bawk a ni.

Serchhip District Hospital hotute chuan Serchhip damdawi In chu a building a hlui deuh tawh avangin faina kawngah nasa taka hmalak a harsatna lai a awm thu an sawi a, chutihrual chuan theihtawp an chhuah thu sawiin, faina kawnga hmalakna chu thawktute tan chauh tih theih a nih loh thu leh mipuite nen tanrual a tul thu an sawi bawk.