Latest News

Inthlan atan Police ten theihtawp an chhuah

Serchhip District SP, Stephen Lalrinawma chuan inthlan bouak muanawm tak a awm theihna atan theihtawp an chhuah thu a sawi.

Nimin-a thuthar thehdarhtu ten a Pisa-a an kawmna ah Serchhip SP, Stephen Lalrinawma chuan bye-election lo awm turah dan leh thupek khauh taka kenkawh a nih tur thu zawhna chhangin a sawi a. MCC dan bawhchhiat chungchangah pawh khauh taka hma an lak tur thu sawiin, Serchhip bial-ah inthlan avanga buaina emaw, Dan leh thupek kenkawh kawnga harsatna tunhmain a awm ngai loh thu a sawi a, “Chumi avang chuan kan inthlahdah phah chuang loa, theihtawp kan chhuah a ni,” a ti.

Serchhip SP chuan Arm Licence nei leh thubuai lo nei ngun tawhte hming an la chhuak tih sawiin, “Arm Licence neite chu engemaw thulha lek chhuak mai thei an nih leh nih loh zirchian an ni. Thubuai nei ngunte lakah pawh a tul anga hmalak a ni ang. Hei bakah hian hmun pawimawh laia Check Gate-te siamin, Patrolling-te neih kan tum,” a ti a. Tun dinhmunah chuan an strength-in inthlan hmachhawn turin an indaih tawk lo tih pawh sawiin, amaherawh chu State leh Central atangin Force mi pek belh an ni dawn tih a sawi bawk. He hunah hian Addl. SP, PC. Laltanpuia chuan Serchhip bial inthlanna neih tura Polling Station te chu enfiah vek an nih tawh thu a sawi bawk.

Comments

Chhiar Hlawhte