Latest News

Vote thlak pawimawh zia inzirtirna atan Serchhip-ah SVEEP Marathon neih a ni

Vote thlak a pawimawh zia inzirtirna kawng pakhat atana buatsaih, Systematic Voter's Education and Electoral Participation (SVEEP) Marathon chu nimin zing khan Serchhip DC Office Tual atanga neih niin District Election Officer, Kumar Abhishek IAS chuan a vailiam a ni.


SVEEP Marathon-a tel te vailiamna puala inkhawm tawi Serchhip Election Officer, Vanlal-hmachhuana kaihhruai-a Serchhip DC Office tual-a neih ah District Election Officer, Kumar Abhishek chuan Democracy ramah chuan mipuiin kan aiawha roreltu tur kan thlang thin a, chuvang chuan vote khat lek pawh a hlu em em a ni, a ti a. Tun tuma Bye-Election kan neih turah pawh hian vote nei zawng zawng chu vote thlak vek turin a sawm a, Vote thlak hi khua leh tui kan nihnaa kan mawhphurhna leh kan tih ngei tur a ni tih hre thar theuh turin mipuite a chah a ni.

He Marathon-ah hian Hmeichhia 26 leh mipa 88, an vaiin mi 114 an tlan a, Serchhip DC Office tual atanga tlan chhuakin chhimlam pan-a NH. 54 zawh zelin Serchhip AOC Veng ah an chhuak a, hemi atang hian P&E Veng-ah tlan kualin DC Office tual-ah vek hian an tawp leh a. Lawmman dawngtute chu Hmeichhia ah Pakhatna Lalngaihawmi, Khawtetlang niin pawisafai Rs. 5000/- leh thuziak a dawng a, Lalmuanpuii Serchhip Venglai chu pahnihna niin pawisafai Rs. 3000/- leh thuziak dawngin, Lalhriatpuii Chanmari Vengthar chu pathumna niin Rs. 2000/- leh thuziak a dawng bawk.

Mipa ah Lalthanpuia, Dinthar Veng chu pakhatna niin pawisafai Rs. 5000/- leh thuziak a dawng a, Laltlansanga IOC Veng chu pahnihna niin Rs. 3000/- leh thuziak dawngin, pathumna Lalchhanchhuaha, P&E Veng chuan Rs. 2000/- leh thuziak a dawng bawk.

Marathon neih zawha lawmman semna hun hi Serchhip DC Office-a SDC, Manesia Khaimeichho chuan a kaihruai a, lawmman te hi District Election Officer, Kumar Abhishek chuan a hlan a, Mara-thona tel zawng zawngte hnenah hian SVEEP T-Shirt pek vek an ni bawk.

Comments

Chhiar Hlawhte